نكت مغربية مضحكة جدا الجديد

إليكم اجمل النكت المغربية المضحكة جدا، بينهم نكت محترمة والبعض الأخر لا يمكن القول أنه قليل الأذب لكن له طعمه الخاص، نكت مغربية بالدارجة المغربية اتخرا بالضحك معانا من خلال النكت اللي غانوفروها لك بهذا الموضوع الذي لن يكون باللغة العربية الفصحى، فهو مقال موجه للمغاربة فقط داخل المملكة المغربية وخارجها من خلال توفير نكت مغربية جميلة جدا.

نكت مغربية مضحكة

  • معكاز واحد النهار مراتو كدق الباب نسات الساروت مفيه مينوض قال ليها سيري لدار باك راك مطلقة
  • واحد بايت بالجوع حلم راسو كياكل لملاوي فاق لقا راسو صارط كاشا
  • راجل معقول غادي وطاح فحفرة ناض منها وشاف حفرة قدامو قال اف عوتاني هنطيج
  • واحد شرا طموبيل ودارها طاكسي غادي بيها الناس كيقولو ليه طاكسي طاكسي وكيقول ليههم عرفتو طاكسي عرفتو
  • واحد قالت لراجلها حلمت البارح شريتي ليا لبسة واعرة وقال ليها اليوم حلمي راسك لابساها
  • واحد ديما كيهز شي حاجة من دارهم واحد النهار شفر بورطابل ديال خوه تاصلو بيه من الدار قالو ليه رد البورطابل وقال ليهم نتوما اي حاجة تمشي لصقوها فيا
  • واحد غادي وقف عليه شفار بموس قال ليه تلفون ديالك قال ليه قيد عندك 061
  • واحد سميتو مبارك شرا حولي داخل بيه للدرب جارتو شافتو من الشرجم قالت ليه مبارك الحولي قال ليها خدوج النعجة

نكت مغربية جديدة

  • واحد سكران رجع للدار مع الخمسة د الصباح. حلت ليه بنتو وهو يقول ليها: فين كنتي حتال هاد الوقت؟ رجعي فين كنتي!هو يسد عليه الباب وبات ف الزنقة.
  • جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم….قال ليه غير رجع هواحد منهم جاي
  • واحد لمرا خايبة تجوجات واحد الراجل خايب بزااااااااااااف، تزاد عندهم ولد آية ف الجمال، غزال بزاف، و هوما يسميوه مايمكنش.
  • واحد اتصل بشركة الطيران وقاليهم : بشحال لحسانة عندكم؟ و هي جاوبو الموظفة : واش كاتفلا علينا؟ قاليها : ياك نتوما لي دايرين اشهارفي الجورنال وكاتبين “حلق معنا بأرخص الأسعار.
  • واحد خينا رقيق مسكين كولوو عضام مسالي معندو صحة حتى وحدة مكتشوف فيه واحد النهار غادي جناب الطريق هي توقف واحد الطوموبيل صدااع فيها واحد الزعرة غمزاتوو قالت ليه طلع السيد فرح قال الله هادشي اللي كنتسنا من شحال هادي داتوو معاها للدار طلعاتو لواحد البيت قالت ليه حيد حوايجك هانا جايا السيد فرح حيد حوايجوو بالزربة وكيتسنا شوية هي دخل مع ولدها الصغير وتتنعت فيه تتقوليه شفتي اولدي اللي مكياكلش دانون كيف كيولييي.
  • مشاو عند واحد الحمار سولوه .. شكون هوا اغبى حيوان؟..قال ليهم ساهلا .. قالو لو شكون؟؟ قال ليهم هوا الحولي .. قالو لوفسر لينا .. قال ليهم دابا كيشريه شي راجل .. كيبقى يعلف فيه العام كامل .. نهار العيد كيقول ليه ارا عنقك نذبحك .. كيعطيهم عنقو بحال الحمار.
  • محشش يفكر بعمق الامتناع عن التدخين يحتاج الى قرار صارم هدوء تام تفكير متقن كوب من الشاي وسجارة.
  • واحد المكلخ كان سهران ف دار صاحبو، وملي بغى يمشي لدارهم، لقى الشتا كتصب. قال ليه صاحبو : غير بات عندي اليوم، الدنيا هانية. ومشى للكوزينة يوجد أتاي ملي رجع، لقى المكلخ كله مبلل، وهو يسولو: منين جاك هاد الما؟ قال ليه المكلخ : غير مشيت لدارنا جبت بيجامة ورجعت.
  • واحد الراجل قال لمرتو: وجدي راسك اليوم غادي نتعشاو برا ملي رجع للدار ف العشية، لقاها حطات الميدة ف الزنقة.
  • هدا واحد سولوه اش كتحب تسمع فرمضان قال ليهم ادان ديال لمغرب.
  • هادا واحد خونا شرا ستيلو خضر و هو يطايبو.
  • هدا واحد اكل الفاخر هو يحزق الظلام
  • هد واحد كان غادي و دار معا الشوكة وهي dgo.

نتمنى أن تكون جميع نكت المغربية قد نالت إعجابكم، سنقوم بإضافة المزيد من النكت المغربية لهذا الموضوع المتجدد بإستمرار بشكل يومي من طرف مشرفة الموقع المغربية.

قد يعجبك ايضا
اترك تعليق

يرجي التسجيل لترك تعليقك

شكرا للتعليق